bodo

Tadi ambo bowok kkuro ambo, gi Tesco. Alah kelik, sapa di traffic light, lapu meroh.

Apobilo lapu ttukar hijau, ambo masuk gear 1, nok ggerok lah. Tibo-tibo dengar siren, kelih-kelih, ado keto polis dari arah bertentangan. Polis tu siap paka speaker lagi, mitok laluan. So ambo dari arah bertentangan ni, walaupon lapu hijau, terpaksa lah stop, bui jalae ko polis dulu.

Suddenly keto mercedes putih (dua pintu), blakae ambo honk ambo. Peeeet peeeeeeeeet!!

Dalae hati ambo, eh, mung ni tok napok ko polis mitok nga siren mitok lalu. Hm, ikot mung ah, mung mato skuto bkali. Tapi dio nok potong ambo pong tokleh, sebab keto tepi ambo pong tok ggerok jugok, nok bui polis lalu!

Lepah polis lalu, ambo pong gerok. Ambo napok di cermin blakae ambo, laju mercedes tu cucuk. Ooooo, ko nak marah aku tak gerak tadi yerrrr. Fine, ambo pong slow down lagi. Ambo gak kalu oghe cucuk-cucuk takdok pasal ni, suko benar la makin slow down.

Dio pong litah keto ambo, ambo napok ado 4 oghe dalae keto dio. Drebar dio umur 40-55 ggitu. Dio kelih ko ambo, pandangan tajam sekali. Ambo angkat dagu ko dio, tanda "ponamo mung nok nnate cis?"

Dio balas nga jari tengoh terpacak. So, persoalan ambo di sini:

1) Tok dengar ko siren polis emergency?
2) Ok la tok dengar. Napok pong dok? Hmmm.
3) Maroh ko aku bakpo? Sebab lapu hijau tapi aku tok gi?
4) Mung ni reti baso ko dok eh?
5) Sakit ati aku koho slow? Well, i'm just an old beetle, not like mercedes 2 pintu.

Cheers :p