Monday, April 27, 2009

Gomo Kelate Gomo!!

Takpo kaloh.. Meney penalti jah pong. Kito hok goal dulu. Lagipon Mat Shah kito tok banyok penalty experience. Mudo lagi. Reserve pong. Meme rusinglaa dey sapa penalti gak. Haish.

Oh Indra Putra!!!! What happened??? Main ragbi ker main bola bai? Tinggi weih bola. Takpe you tetap player paling handsome on the field. (omg, now i sound like 1/2 of Beckham fanatics who love him for his looks).

Gapo-gapo pong sek kito jange gocoh. Jange wak malu ore Kelate laa deh.

Wei Khairul lu perhal tolak2 Indra Putra? Nasib baik mung tok gocoh dio kalu dok pah ko aku gi Stadium sekeh mung!

Gomo Kelate Gomo!! Takpo luck jah tu dio meney. Penalti jah. Kiro bijok doh laa goal dulu time extra time.


even the Royalties wore Red to support the Red Warriors from their Perdana Suite ;)






Thursday, April 23, 2009

Omlette?

Assalamualaikum semo-semo,

Yet again, ambo telah memalukan diri sendiri. Dan sekali lagi, yes, melibatkan jugok cabin crew hok kijo nga ambo. Kalu pokcik mokcik, adik kakok, abe-abe ingat lagi, ambo duo kali doh tersipu-sipu malu ddepe crew.

Kali pertamo kes ke'daghakan' ambo tok rajeng jupo snow. Acu nok dudok ccokoh jamoh snow, nyo tegur dik stewardess. Kali keduo, kes ambo paka stoking sexy di Paris, bandar fashion terkemuka di dunio. Aloh parok, tekeno ssitu teh! Kalu di Mumbai paka hok ssoyok takpo la jugok deh? Hmmphh, beghakkk sunggoh aku nih.

Ado baco dok blog ambo hok satu lagih dalae bahaso England tuh? Ambo ado cerito, kelik dari Paris (huhh, ssabit nga Paris lagih), ambo tido di business class. Kepada yang tak tahu, flight hok lebih 10 jam, ado duo set pilots, begilir-gilir jong pulah stereng lah. Jadi maso the other set dok pulah stereng, ambo rehat atau tido in the business class section.

Tido di business class ni sedaaaaaakkkk! Jenero ghaib gih. Sapa kokok nyior gih. Kokok nyior tahu? Ha lain kali demo gi kkedai nok beli santan, acu perati bunyi mesin mesen nyior tu lagu mano. "gggggrrrrrrrrrrrrr, grrrrrrrrr" gituh dio bunying, atau "khhhhhhh, khhhhh"....

Ambo tido ssitu, tok ccaro ko oghe laing dohh. Ikot dio lahh. Dato' ko, Tan Sri ko, supermodel ko, mmphhh, kokok nyior supo tulo yo jugokk! Bedekur abih tae. Tapi ddekur ni tidok la memalukan sangat. Ambo lebih dari tu. Demo pikir la, dok sedak tido tuh, perut tibo-tibo lapar. Ambo temimpi breakfast doh. Lazat sekali hidangan breakfast ambo dalae mimpi ambo. And bilo ambo bangun dari tido, crew pong bui menu breakfast ko ambo...

"i tau you nak ape you. tak payah baca menu tuuu. omlette, kan? okay?"

Kelip-pah kelip-pah mato ambo kelih ko dio. Meme ambo nok omlette pong. Weiii lok, tahu mmano mek ttimoh ni? Ambo pong oyak la ko dio,

"Yes please, i'd love an omlette for breakfast. Tapi camne you sure sangat ye?"

"Tak sure camne nye you. Mata blom bukak pon dah dok cakap 'sedapnye omlette, sedapnye omlette'. Abis tuuuuu?"

Sunday, April 19, 2009

A to Z of Kelate. Proud to be A Kelantanese

Huh kecur air liur teringat ko cek mek molek nihhh...

Ganah pah ko 4 seasons masuk magazine! Oh gulo leng... lalalalala..

Nasi Sumatera Hover meme terbaekkk!! Tokleh ngaku ore Kelate kalu tok rajing make nih.

LECU??? *rotfl

Huh meme sedak make burung puyuh nih..

Hoh sedio brehi makey Ttijoh??

Ketua Pengawah brehi laa ni Wok Dogol nih

sek2 nih tau ko Zhang Toi ore Kelate???


All pictures are taken from QIADAH - The Official Corporate Magazine of Kelantan Chief Minister Incorporated. Hoh tengok hilir Tok Guru pong bleh suruh terbit Magazine Kelate in English. Banggo.. banggo..


Saturday, April 18, 2009

sapo gilo?

Pokcik mokcik, adik kakok, abe-abe, assalamualaikum.

Hmm, ado ko pokcik atau mokcik hok baco blog ni eh? Koya la ambo. Hah, jadi nyo pado ini hari ambo nok rrroyak cerito lamo. Ambo teringat kisoh ni sebab tadi ambo main bola di Playstation, pahtu ambo score goal hok memukau diri ambo sendiri. Ganah sunggoh. OK jom kito rewind balik maso, kito gi balik pado tahun 2001, yakni 8 tahun lepas (2009 - 8 = 2001).

Maso tu Playstation 1 pong serro biso sunggoh doh. Loni Playstation 1 tu, budok kkapong pon tidok pelik kelih doh. Ambo baru abih skoloh tikatae 5 pado tahun 2001. So ambo pon kelik ko umoh ambo di SS14, Subang Jaya. Baruuu jah ppindoh mari KL nga family ambo maso tuh.

Jiji, my cute cousin, just 5 years old at that time, sokmo mari umoh ambo bilo hujung minggu. Ado satu malae tu, ambo nga abe ambo, main game bola Fifa di Playstation. Lewat malae doh, agok-agok pukol 11 kot maso tuh. Sunyi jugok la. Acu jah nok main game, eh eh ehhhhhhhhh, Jiji bangun la pulokkkkk.

Aloh, susoh la. Jiji suko bena gih mmain game. Tapi dio tok tahu ggapo pon. Ho la, baru 5 tahun, pecet-pecet control game jah, tapi dio still enjoy. Hmmmm. Hehehe, jahak tok jahak ambo nga abe ambo, duo-duo stuju nok 'tipu' budok kecik tuh....

Demo pikir la, control game, 2 jah hok buleh 'plug in'. Tapi control ado 3, satu tu, punoh. Haa, hok punoh tu, wak lolok 'plug in', padahal hujung dio selit bowoh console game. Pah bui ko Jiji mmain. Hok 2 tu lagi, ambo nga abe ambo la main. Jahak weh! Siyye ko Jiji, jjelir lidoh-lidoh dok pecet control, ingat ko dok kawal players di screen TV.

Suddenly, ambo score goal, dari jauh, bola deras menerjah gawang goal. Meme tok logik score peseng tuh! Ambo nga abe ambo pon, apo lagi, kkejut la, and we were shouting,

Giiiiiiiiiiiilo! Oi giiiiiiiilo la goal tuuuuuuh! Giiiiiiiilo weii giloooooooooo! Fuuuuuuuuuuh giiiiiiloooooo!!!

Jiji hok dok ttepi tu, mmmmph, tok ingat ko dio doh la wehhh. Dio pelik la, heran, bokali dalae ppalo dio dok pikir, 'whats going on la now?'. Ambo nga abe ambo tok abih menyupoh lagi, when Jiji tepuk-tepuk palo lutut ambo, pah tanyo,

"Abe, abe, Jiji ko hok gilo be?"

Malam tu, ambo nga abe ambo dok suko 'kik kik kik' sapa 4 pagi, nok tido pon susoh, teringat ko innocent Jiji.

Tuesday, April 14, 2009

bbelit lidoh

Assalamualaikum pokcik mokcik adik kakok abe-abe....

Aloh lamo sunggoh ambo tidok meng-ap-det blog ni. Ambo mitok maaf banyok-banyok lah ko semo-semo hok mari blog ni tapi pergi dengan keciwa. Meme tokde sunggoh nah nok nnulih. Idea, topic, blana kokna jah. Tapi tokde.

Anyways, here I am, writing once again. Nok cerito kesoh ambo di utara Malaysia tempoh hari. Ambo nga saing-saing ambo bowok keto ko Kangar, Perlis. Keto wira saing ambo, buke gi nga kkuro ambo. Kkuro ambo masuk wad lepah behe pitu keto oghe. Derah kakloh dio behe pitu keto tu, ccabut pengga pitu dio gih.

Ambo gi Kangar, melawat skoloh lamo ambo, ado program senior pakat kelik rama-rama lah. Tido di hotel, so makan minum sediri lah. Hari Sabtu, abih program di skoloh, ambo nga saing-saing ambo pong gi la di satu restoran Thai. Singgoh makan on the way balik hotel. Tengok menu dio, huui, menyelerakan jugok. Waitress dio budok remaja, a young lady umor 20 gitu lah...

Waitress : Minum bang?
Saing 1 : Teh o' beng
Ambo : Saya bali panas.
Saing 2 : Dua lah. Saya pon sama.
Waitress : OK. Makan?
Ambo : Emmm, nasi goreng Thai lah.
Waitress : OK. Lagi?
Saing 1 : Nasi goreng sotong.
Ambo : Eh, nasi goreng saya tu, mintak telur dade saaaa.....

Ooooooooopssss!!!!!! Saing-saing ambo bulat mato-mato kelih ko ambo. Pah gak pakat nok ssembur air liur blako, nok ssuko. Waitress tu, huh, just imagine lah, tersipu-sipu tunduk-tunduk gih dio. Malu tu gaaaaaaak ambo!!!! Why la nok sebut telur dadar jjadi telur dade. Supo jatey gatal hok sengajo nok sexual harassment pulok.

Harap-harap sunggoh laaa waitress tu ingat ambo betul-betul bbelit lidoh. Sunggoh eh!

p.s ambo nnulih di paris ni, smeta lagi nok kelik fly KL doh. Last time dok ssini, jjadi kisoh stoking ssoyok tuh. hehehee, kali ni ambo ready betul-betul! mari lah, nok suruh buko kasut, stoking cap playboy ni okayyyyy...

Thursday, April 2, 2009

Earth Hour

Pokcik, Mokcik, Abe, Kakok, Adik, assalamualaikum ambo ucap ko sek kito ssemo..

Ho, guano hari tu, mmapuh api blako dok malae Earth Hour tuh? Semangat dok? Baguuuuuuuuuuh. Baguh bena-bena nah. Banggo sunggoh ambo kalu demo tutup lapu tutup kipah tutup tiwi (nenek ambo tokleh sebut V, so jjadi tiwi). Tapi gak, ado dok telitah di pikiran masing-masing, how much energy has been wasted, hanyo untuk menjayakan program nih?

Bil api satu jam, brapo jah. Capur blako, kalu ppakat katup api, banyok hok kito jimat. Satu dunio katup api 60 minit, berbillion kot jimat. Tapi, eh, acu pikir, lamo mano doh organizer Earth Hour ni start ngepeng? Kito tok tahu, banyok mano api nga minyok kketo dio paka deh. Tapi takpo lah, untuk bumi tersayang. Bazir api untuk jimatkan api.

Ambo raso la, tok apuh la (tak berbaloi) kalu nga caro WWF berkempen tu. Huh, tok payoh la nok anjur event bersama selebriti. Gimik jah blako tuh. Kalu sungguh nok jimat api 60minit, its very simple actually. Suruh jah sapo-sapo tutup api selamo 60minit, bilo-bilo maso. Tok payoh nok wak gimik "lets do it together". Supo tulo jahhhh.

Aaaa, lagu tu kae sene. Ambo, malae Earth Hour tuh, dok di udara. Pah, guano? "Capt, kita switch off everything ye, bagi enjin je jalan".

Adoi, mau tak nye mengamuk passengers hok dok sedak tengok movie. 60minit tutup sistem navigasi, hoh, switch on balik, tengok-tengok dok kutub utara doh. Aa, berat lagu tuh.

Kalu demo tokde nok off letrik malae tuh, jange rusingg. Takpo. Buleh ganti balik. Kalu demo ttinggal poso di bulan Ramadhan, keno ganti deh? Tapi kalo ganti poso, keno wak betul-betul, dari subuh sapa maghrib. Kalu program Earth Hour, lain, sene jah. Tutup api seminit satu hari. 60 hari, cukup 60 minit.

Buleh?

- KETUA PENGAWAS

Her Royal Highness says :

Maley tu dianne on the way nok gi UIA sebab ado reunion.. Dalam hati.. Wah.. mesti gelap gelemak KL nih.. dianne drive beley2 dengar hitz.fm, pok2 DJ duk gegey riuh nok tutup lapu daley studio dio.. pah maso dianne duk kat traffic light tu sedey molek 830.. depey traffic light tu ado condo. ssungguh la kito nyo nok tengok pah sow, sow ore tutup lapu.. eh.. dok pun! tunggu lagi.. dok jugok.. dianne kelih keliling.. la.. ceroh jah lakow.. takdop ore tutup lapu pun! pelik nyo..

pah dianne drive lagi stret.. dari jauh napokla Menara TM gelap. ok fine la, tau doh menara akan gelap. hok sebenarnyo dianne attend doh
PELANCARAN EARTH HOUR organised by TM hari Jumaat petey tu.. demotu ssungguh la ajok press gapo.. siap ado refreshments sedak2 (termasuklah carrot cake secret recipe). ore ajok gak kito gi, dih?

pah dianne drive along mid valley.. gelap sungguh la. toktau alik daley guano kiro mugo mesti ado ore duk shopping2...

teruskan lagi perjalanan ke uia.. lalu area kl sentral.. ceroh. kiri kanan bangunan.. ceroh.. stret lagi ke lebuhraya mahameru.. ceroh jugok.. sapa ko sentul ceroh ceroh.. selayang ceroh.. sapa uia.. ceroh...

JADINYO??? sapo gak hok tutup lapu menarnyo??? astro pun suh bukok tv dengan radio. adehla.. parop la ngepeng ssungguh2 kalo x jjadi pon.

sapa jah uia dianne konfiden la ore2 uia duk tengok bereunion dalam cahaya candle.. hampeh. lapu bukok lakow. katanya 5 minit jah tutup lapu maso announcement kul 830 tu (dianne sapa kul 9 doh - biasola grand entrance. haha)

dianne stuju la hok yellowherbie oyak di atas tu..
"how much energy has been wasted, hanyo untuk menjayakan program nih?"

semangat2 membazir untuk mengurangkan pembaziran.. confuse pulop sero.. tapi iyelah, kita ketepikan lah lakow bendo ngepeng tu.. sekurang2 nyo ore sedar dohla kepentingan tutup lapu / letrik.. ado la jugok kesedaran walaupun sedikit dih.. bagus2.. pah ni pakak2 la beringak kalo nok tubik bilik tido gi ddapo tu, tutup la lapu kipah.. kalo nok tengok tv lluar, tutup la lapu ddapo.. gituh.


kaba2 sediri sudoh.. tok payoh nok keno be reminded by zainal abidin.. atau harith iskandar..

ko guano?

- PENOLONG KETUA PENGAWAS 1